Хөдөлмөрийн аюулгүй байдал, эрүүл мэндийн төвийн дарга М.Даваабат, Иргэний нисэхийн үндэсний төвийн дарга Н.Батсайхан нар хамтран ажиллах санамж бичигт гарын үсэг зурлаа. Хамтын ажиллагааны хүрээнд ХАБЭА-н тухай хууль тогтоомж дүрэм журам, мэргэжлээс шалтгаалсан өвчин, хөдөлмөрийн нөхцөлийн сөрөг хүчин зүйлсийн талаарх мэдээлэл зөвлөмж хүргэх, ХАБЭА-н олон улсын болон дотоодын сургалтыг зохион байгуулах, жил бүр уламжлал болгон явуулдаг “Хөдөлмөрийн аюулгүй байдал, эрүүл ахуйн сарын аян”-ы арга хэмжээ болон бусад төлөвлөгөөт ажлуудад хамтран оролцох юм.
Хөдөлмөрийн аюулгүй байдал, эрүүл ахуйн тухай хууль тогтоомжийн дагуу, Иргэний нисэхийн үндэсний төвийн ХАБЭА-н талаарх бодлого, зорилтын хэрэгжилтийг сайжруулах, хяналт тавих, үнэлгээ хийх, харилцан холбоо бүхий удирдлагын үйл ажиллагаанд шаардлагатай дэмжлэг, туслалцаа үзүүлэх, зөвлөмж, үйлчилгээгээр хангах, холбогдох хууль тогтоомжийн дагуу ХАБЭА-н чиглэлээр хамтран ажиллах зорилготой.
