“Аюулгүй байдалд Манлайлал ба оролцоо” уриатай “НЭН ТҮРҮҮНД-ХАБ-2022” бага хурал эрчим хүчний салбар хуралдаанаар эхэллээ. Тус салбар хуралдаанд ХНХ-ын дэд сайд, ХАБЭА-н Үндэсний хорооны дарга С.Зулпхар, Эрчим хүчний дэд сайд М.Баярмагнай, МҮЭХ-ны Ерөнхий нарийн бичгийн дарга Х.Буянжаргал болон тус салбарын 100 гаруй төлөөлөл оролцов. Хуралдаанаар эрчим хүчний салбарын хөдөлмөрийн аюулгүй байдал, эрүүл ахуй, гарч буй үйлдвэрлэлийн ослын шалтгаан нөхцөл, түүнээс урьдчилан сэргийлэх арга хэмжээ, ажилчдад эрүүл аюулгүй ажиллах таатай орчин нөхцөлийг бүрдүүлэх зэрэг асуудлын хүрээнд хэлэлцүүлэг өрнүүлэв.
Хөдөлмөрийн аюулгүй байдал, эрүүл ахуйн үндэсний тогтолцоог төгөлдөржүүлэх, монгол хүний аюулгүй байдлын соёлыг дээшүүлэхэд хувь нэмэр оруулж буй “Нэн түрүүнд ХАБ” бага хурал нь 2022 оны 09-р сарын 14-30-ны өдрүүдэд танхим болон цахим хэлбэрээр Монгол улсын 21 аймаг 9 дүүрэгт зохион байгуулагдана. Ингэхдээ Уул уурхай, хүнд үйлдвэр, Эрчим хүч, Барилга, Эрүүл мэндийн салбарууд тусгай хөтөлбөрийн дагуу салбар хуралдаан зохион байгуулж ХЭМАБ-ын асуудлаар салбар тус бүрийн онцлогийг тусгасан шийдэлд хүрэх зорилготой юм.
